تقريبااا اتحسدت ( ثاني خلاصة )

انا من ساعة ما  قلت اني بتمطر على  دماغي  افكار  وهخلي المدونة دي  صندوق قمامة  لجمع هذة الافكاار   اللي لا استفيد منها  في الوقت الحالي ولكن ربما يستفيد منها غيري او استفيد انا منها فيما بعد   المهم اني من الساعة السودا اللي قلت فيها كدا   مفيش ولا فكرة جت  في دمااغي   وتقريبااا  اتحسدت  .....

بس انا اتغلبت على الشعور داا  وقعدت مع نفسي   كدا  10 دقايق اقول ( انا مش غبي .انا عندي افكار كتير .. انا مش غبي  .. انا عندي افكار كتير  .انا مش غبي ......   )  خلصو العشر دقايق ومفيش فايدة  لا انا حسيت اني رجعت ذكي  ولا  في دماغي اي فكرة خالص ...  

طب لو عرفت ارجع  الزمن وراا   قبل ما  اتخذ قرار اني اكتب المدونة اكيييد مش  هتخذ القرار دا تاني ومش هقووول  لحد  على حاجة  ,  وهفضل  ذكي   وعندي افكاار   ومفيش حاجة مضايقاني   وهوا دا  اللي   كان هيخلي الافكار  تتساقط في عقلي زي الاول  اني هرجع زي الاول  مش  عندي مدونة ولا في حد مستني  بقى اللي هيتكتب فيها  ولا يبعتلي رسايل يقولي مستنيين ...



يعني  بالمعنى الادق لو مطلوب منك حاجة  مش هتعرف تعملها طول ما انت  بتفكر  ان فيه طلب عليك تنفيذه   لو ركزت   في الفعل نفسو مش في الطلب  هتعملو ..  لو ركزت في مسؤلية الطلب اكتر مش هتعرف تعملو وهيا دي  :  (( الخلاصة ))

---
خلاصة  خفيفة خاالص  لكن كان لابد منها دلوقتي  واكيد لو انت طالب  هتكون عرفت دلوقتي بعد ما قريت انت ليه //  مش عارف تذاكر // وليه  لما تتزنق ويكون  عندك امتحان بتعرف تزاكر احسن لانك ساعتها هتكون بتفكر في الامتحان ثم في الدراسة  مش هتكون بتفكر انك مفروض تزاكر