اول خلاصة

بزااكر .. 
بتفرج على افلام .. 
بشتغل .. 
بأكل .. 
بشرب  ..
بناام .. 
بدخل الحمام  "  زي كل الناس يعني  بلاش استغراب  :)  "  ..


المهم اني وسط كل الحاجات دي وانا بعملها  بتنط في  دماغي دايماااا  افكااار  وخواااطر  على قد  ما بتبان لي  رهيبة   على  قد ما بحس انها غللسة لانها بتضيع عليا متعة  الحاجة اللي بعملها  مهما كان هيا ايه  "  اصلي  بستمتع بكل حاجة بعملها "  فقررت   اني اعمل  مدونة   للافكار دي  وعلشان هتكون مدونة  للافكار  يعني بتعبر عن واحد بيفكر وبيفكر وبسس  لا هتكون فيها تنسيق  وشكل جمالي  كواحد متخرج من كلية حاسبات  يعني ...... " بعرف اسطب وندوز "      

هتكون عاملة زي المكتبات القدييييمة اللي  تشوفها تحس انها معفنة  وتلقى جواها كتب بملايين  الجنيهات   

(( الخلاصة )) :  كل ما هتنط في دماغي فكرة كويسة هخش اكتبها في المدونة علشان اريح دماغي منها بعد ما اكون ابحرت فيها لاقصاها وارجع استمتع بالحاجة اللي بعملها  من غير  تشويش   كل الافكار " التدوينات  " هتكون موجزة يعني قرائتهاا   بتمعن  هتاخد اقل من 5 دقايق على اقصى  حد  وفي اخر  كل فكرة   هيكون فيه  سطرين  اسمهم  (( الخلاصة ))