العميان 3/3 ((الخلاصة التاسعة ))

بيقولك  كان فيه مرة  3 عميان  ( مبيشوفوش يعني ..  ادعيلهم بالشفا :)     دخلو مكان  وطلبو منهم  انهم يكتشفو ايه اللي في الغرفة دي   
في زمن معين  ولو  نجحو  في انهم يعرفو ايه اللي في المكان  هيعملولهم مجانا العملية  ويرجعلهم بصرهم تاني   المهم ان ال3 اشخاص  دول  انبسطو جدا ووافقو  ودخلو المكان    كل واحد   قعد يلف لحد  ما لقى حاجة مسكها وقعد يحسس عليها  واول ما  حسها قال علطول   الاول قال  كذا عموود     والتاني قال  تعبااااان    والتالت  قال حبل     وقعدو يتخانقو مع بعض  لان مطلوب اجابة واحدة فقط  لان هوا شيء واحد بسس  اللي  موجود في المكان . 

اتخانقو شوية  وزعقو شويتين وبعد ما اتخانقو  وزهقوو  طلبو من لجنة المسابقة ان كل واحد يقول اجابته واللي تطلع صح  يتعمله هوا بس العملية  .. بس للاسف محدش فيهم اجابته كانت  صح     ...  للاسف اللي كان في الغرفة فيل  صغير   واحد منهم  حسس على رجلية والتاني على زلومتو والتالت على ديلوو   محدش فيهم    قال الاجابة الصح    ومحدش فيهم  اتعملو العملية  وفضلو عميااان 

(( الخلاصة )) اننا  كلناا  عميان لان محدش  فينا ربنا  ادالو انو يشوف كل حاجة او يعرف كل حاجة  كل واحد فينا يعرف جزء من الحقيقة هوا اللي ادركو منهااا    لو  كل واحد  فينا او من العميان دول كان  قال للتاني  طيب شدني كدا  وخليني احسس على اللي انت بتقولو عليه  وبعدين خدو   يحسس   على اللي  هو  بيقول عليه  كان التلاتة  عرفو على الاقل    3 صفات عن الشيء الموجود  وكان نسبة معرفتهم للشيء هتكون كبيرة  او قريبة من حد الكمال 

طبعا انا مبتكلمش عن العميان ممكن تكون قصة غير حقيقة  لكن في الحقيقة احنا اللي عميان ...

العميان  اللي اقصدهم في العنوان هم انا وانت

-----
خلصت  سلسلة قيم انسانية

قيم انسانية الجزل الاول : كلنا سواق تاكسي
قيم انسانية الجزء الثاني : رغبة اولى

رغبة اولى 2/3 (( الخلاصة الثامنة ))

بعد  ما خلصت الثانوية العامة  كنت في  اختيار صعب جدااااا ما بين اني اختار  اللي يكون مريحني شكلااا    قدام النااس  وهي مهنة الطب واللي يكون مريحني نفسيا  قدام نفسي   وهي مجال الحاسبات ,   فبين عشقي للكمبيوتر من صغري  قد  تعلمت سلسلة الـ office  كلها   في المرحلة الاعدادية  بدون مساعدة من حد 
وبين رؤيتي ان القطاع  الاكبر  من الناس لا يعلمون  اي وظيفة  سوى وظيفة الطبيب    علشان بيعالجهم  وغير كداا الكل سواء   امام القانون   قصدي امام عقولهم :)    

مسكت ورقة الرغبات  بين  ان اختار الراحة  لشكلي او لنفسي    وبعد تفكير ليس بعميق  قررت   ان امسك العصاية من النص  كتبت اول 3 رغبات  كليات طب  اللي في منطقتي  والرغبة الرابعة حاسبات ومعلومات  علطوول     ولانك يا ابن ادم  تريد والله يفعل ما يريد وما فيه الخير لك      جاء التنسيق   بكلية المحاسبات  قصدي  الحسابات  يوووووه  قصدي  الحاسبات والمعلومااات  :D


ومنذ تلك الساعة  وانا باخد فين يوجعك   مبخلصش من التريقة   وعلامات الاستعجاب والاستفهام بالنسبة لهم والغباء بالنسبة لي  
ولكن وبصراحة  لو  رجعت اختار  دلوقتي تاني ....   هكتب حاسبات  رغبة اولى  ..

(( خلاصة)) ما اود ان اقول :  سيبك من كلام الناس   وعلى رأي المثل كل  اشتغل المهنة اللي تعجبك  وفكك من كلام الناس   لان العالم يفسح الطريق فقط لمن يعلم الى اين هو ذاهب .. لان تعريف  النجاح :  هو ان تعمل ما تحب 

---
الجزء ما  قبل الاخبر من مجموعة قيم انسانية    ندااااء الى كل طلاب حاسبات  انشروو  التدوينة دي بالذات يمكن توصل لحد من اللي بيقولولك  محاسبات   ومعلش كلها 10 او 15 سنة  والتكنولوجيا هتوصل الوطن العربي  والناس هتبتدي تشعر بقيمتك   :)   ونصيحة لو انت متجوز  وعندك عيال  سافر براا  علشان  في اوروبا والدول المتقدمة فقط  ( مهندس البرمجيات )  هي  افضل المهن اللي بتدخل  فلوس للمهندس وللبلد  :) 

كلنا سواق تاكسي !؟ قيم انسانية 1/3 (( الخلاصة السابعة ))

كنت راكب مرة في تاكسي  ولقيت   بتاع التاكسي  لازق  ورقة  على   العربية من جوا ((  ما وقع  بلاء الا  بذنب وما  رفع الا بتوبة .. استقيمو يرحمكم الله ))  

بمجرد  دخولي  العربية وقرائتي للكلام داا  احسست بأطمئنان  جمييل   سرعااان  ما  تلاشى واختفى  - هقولكم ليه دلوقتي :)  -  
مفيش  دقيقتين  والراجل   تلفونو  رن  وابتدى  يتكلم  وسب الدين اشتغل  والشتائم  ما الذ وطاب  :D     طول السكة وانا  بفكر في الموضوع دا   -  مش موضوع الشتايم طبعا :) -  بفكر ان  كل واحد  بيطلب من الناس حاجة  هوا مبيعملهاش   ابعد الناس  عن التدين والخلق تلاقيهم اكثر الناس  نصحا للناس   

بشكل مختصر كخلاصة : 
نحن دائما لا نرى الخطيئة الا في الاخرون  ..

وربما يكون السبب هو  عدم قدرة العقل الباطن على اقناع  مركز الادراك في العقل   انه على خطأ  فبيجبهالوو  في الاخرين  لكن برضو دائما  العقل  لا يلحظ انه يرتكب نفس الفعل   ويكتفي فقط بنصيحة الاخرين ..   

نصيحة لو لقيت نفسك بتنصح حد  دون ان يطلب منك النصح ركزز وفكرر مليون مرة لان في الغالب   انت  عندك نفس مشكلته  .

----
الجزء الاول  من مجموعة تدوينات قيم انسانية  لو حاسس ان  ممكن الكلام دا يغير في حد   متترددش تنشر الكلام   او تقتبس منو  بحرية تامة  :)

لقراءة التدوينة السابقة من يسكن السحاب ؟

من يسكن السحاب ؟ (( الخلاصة السادسة ))

عندما كنت طفلا   كنت اتخيل   ان هناك من يسكن فوق تلك السحاب التي كانت كل معلوماتي عنها  هيا اني برسمها  في دفتر الرسم  مع  حبة  تموجات  باللون الازرق - قال يعني  بحر -  ومركب   في نص الصفحة     كل اللي كنت اعرفو عنها  هو شكلهاا  اللي انا برسمو علورق  وكبرت شوية  وكل ما كنت بكبر اكتر  كنت بعرف معلومات اكتر عن السحاب  وكيفية تكوينها  وكلام  كدااا اللي كنا بنكره  حفظو دا  :)   

لحد ما  في يوم من الايام  روحت سئلت  مدرس عندنا في المدرسة   هوا اللي عملو الكتاب   عرفو ازاي المعلومات دي عن السحاااب ؟؟   اللي فوووووووق دي  !   ..   فقالي  اصلهم  وصلولها  وحللوها ودرسوها من فوووق   علشان كدا  شافوها كووويس  

االاجابة  دي  زماان ريحتني جداااااااا   او بمعنى ادق  - كبستني وسكتتني  :D  -  
بس دلوقتي  لما افتكرت الاجابة دي  اصبحت في  حيرة كبيرة  لاني  ادركت  نوع من انواع التشابه  بين السحاب وبين الاهداف او المستقبل , كلما مرت الايام كلما زاد المستقبل غموضا 
وربما لأنني ارفع من سقف طموحاتي كلما احسست باني اقتربت من نقطة الوصول  ,  والحل من وجهة نظري  ان لا اشغل بالي  سوى بالخطوة اللي  انا فيها  اللي ليست الا  واحدة على طريق تحقيق النجاح .  

وبرعم من ان دي كانت اجابة مقنعة ليا الا اني  اعتقد اني عدت الى حيث ما كنت  في عهد الطفولة  ..  لا اعلم شيئا عن السحاب....   فيا ترى  من يسكن السحاب ؟ وهل بأمكاني ان اكون منهم ؟  ...

-----------
الفترة اللي فاتت زي ما وعدتكو  كل يومين فيه تدوينه جديدة  فخلال الفترة اللي فاتت  كتبت  3 تدوينات كلهم   متصلين  على شكل اجزاء عن تحقيق بعض  القيم الانسانية في مجتمعنا   لكن بسبب تحضيرات السفر متمكنتش من نشرهم فهنشرهم تباعا  بعد اقل من 48 ساعة :)   

مش لاعب .. ( خامس خلاصة )

دلوقتي  قبل  25/11/2011  اللي هيا الثورة يعني :)   كان هناك في مصر شعب  ونظامااا يرأسة برئاسة حسني مبارك  اللي بقى اسمهم دلوقتي " فلول "      المهم    ان  الشعب داا   عمل  ثورة   ( وطبعا انت دلوقتي هتقولي لا يااا راااجل  بقى الشعب عمل ثوورة !  :D )     هقولك كمل بس معايا للاخر ..  الشعب  دا بعد ما عمل ثورة  فضلو عاملين ثورة لحد ما   بقى اللي بيرأس هما الاخوان   فبعد ما كانت البلد   شعب +  فلول "الي هما النظام السابق "       تحول الشعب واصبح   شعب + فلول + اخوان 

كنا جزئين  بقينا   3 اجزاء     ولو الاخوان معدوش في السلطة ومسكها حد رابع   هنبقى :  شعب + فلول + اخوان + الحد الرابع 

وهنفضل  في هذه الفوضى الدامية  الى ان تقوم الساعة  

ااااه بالمناسبة  عندما خسر رومني المرشح الرئاسي الامريكي  في الرئاسة امام باراك اوباما   طلع قال اليوم كلنا وراء اوباما لأنجاحة  , يعني امريكاااا كلهاا جزء واحد  بسس   من هنا يأتي التقدم  او كما تسمى في مصر " النهضة "   :)   ...

فيا  ابناء مصر ..  واعتصمو بحبل الله جميعا ولا تفرقو     

ابسط الاشياء ( الخلاصة الرابعة )

بعد مرحلة كبيرة من الحرب بيني وبين  الممرضة والدكتورة اللي كانو مسؤلين عن اخراجي للحياة  او بمعنى ادق " من الحياة " التي كنت اعيشها في الداخل  ,  بعد عناء قررت الاستسلام  والرضوخ  ( حلوة الرضوخ دي :D )   والخروج من حياتي الخاصة 

الى الحياة اللي كلنا بنعيشها ورغم ان الخروج دا مكنش امن زي خروج المشير كدا :)   وكبدني خسائر  فظيعة ليست بمجال حديثي الان   الا اني  تعلمت  منه  دروسا ما زلت احفظها للان 

وفي احد الليالي الجميلة بعكس ما تعني الكلمة من معنى  سرحت .. اللي هيا  بالفصحى  شرد ذهني  :)  الى  وقت  ما  كانت  تحتضنني امي وانا صغير ثم تبدأ بوضع يدها على  كل  مكان في جسدي وتقول مرة بعد الاخرى  : دي اسمها  ايدي  ..  دا اسمو  شعري .. دي بطني  .. رجلي    تخيلو اننا جميعا   او معظمنا   لم نكن لنعلم تلك المعلومات اللي شكلت بالنسبة لنا وقتها  كم هائل من المعلومات والتعب في حفظها  رغم التكرار   الا اننا بدون  تلك المواقف والمرات  لم نكن لنعلم  المعلومات دي !!!  .. هار اسووود   اه والله زي ما بقولك كداا :D

كل ما نعلمه من ابسط الاشياء الى اعقدهااا   (  حلوة اعقدها دي برضو :D )      لم نكن لنعلمه الا لو تعلمنااه  

طب ليييه  بنكره او نخاف  او بمعنى اصح لا نعشق التعلم ؟؟؟!!!!   وهيا دي (( خلاصة النهاردة )) : لو محبتش بل واجبرت نفسك على التعلم باستمرار ستتوقف عن المعرفة بأي شيء او عن اي شيء  ......

****************************************************************************
اعتزر عن التوقف الفترة الماضية لظروف صحية وغيرها الا ان بداية من هذة الليلة سنكون   على موعد كل يومين على الاقل منتظر تعليقاتكم وارائكم :)

واعتصمو ( ثالث خلاصة )

الفيس بوك  عند جميع المصريين  النهاردة  وبشكل دائم  منقسم الى 3 اجزاء : 

1- ناس ( بتهاجم او بتشتم )  الرئيس واتباعه 
2- ناس ( بتهاجم او بتشتم )  معارضين الرئيس واتباعه 
3- ناس ( بتهاجم او بتشتم ) الشعب كلوو  ( انو غبي وجاهل ...  ) 

يعني 99% من الشعب المصري   ( بتهاجم او بتشتم )   وتناسو  حاجتين في غاية الاهمية : 

اولا:    قوله تعالى :  {ولا تنازعوا فتفشلوا وتذهب ريحكم}  
ربط الله التنازع بالفشل      ونحن امة   متفرقين  متنازعين  يغلبنا الصراخ والسباب والشتائم وشوف سبحان الله يا مؤمن سبحان الله  بنستعجب اننا  امه فاشلة ودول عالم ثالث ...   

ثانيا : قوله تعالى : ( ان الله لا يغير ما بقوم حتى يغيرو ما بأنفسهم ) 

يا  قوم المعارضين   حتى يغير ما بأنفسهم مش ما  بمن يحكموهم 
يا قوم الحاكمين     حتى يغيرو ما بأنفسهم مش ما بمن يعارضوهم 
يا قوم مدعين العقل والفلسفة    حتى يغير ما بأنفسهم مش ما  ببقية الشعب 

(( الخلاصة )) :  ركز في  "نفسك "  دور على الحاجة  اللي انتي بتتعلمها  او بتشتغلها من غير ما تحس باي تعب او ملل   منها  
وكمل فيها للاخر   وعلم  كل اللي اتعلمتو لكل الناس  حواليك    ينصلح حالك   وكل واحد  في الامة ان انصلح حالو  بالتبعية ينصلح حال الامة  واماااااا...   تكون جريمة هي ان تربي ابنك  في هذه البلد زي ما بيقول  نبيل الحلفاوي .